Hverju er Jón Baldvin að mótmæla?

Hverju er Jón Baldvin að mótmæla, sem er guðfaðir þeirrar peningastefnu, sem leiddi til þessa hörmunga. Þegar Jón Baldvin var spurður um EES samningin í fréttum hér um árið, sagði hann að Íslendingar hefðu fengið allt fyrir ekkert. "Allt fyrir ekkert" var gjaldþrot Íslands. Ákvæðið um að íslenska þjóðin bæri ábirgð á íslenskum bankafyrirtækjum erlendis var í EES samningum.  Ekki man ég hvort lögin um frjálst flæði fjármagns var í samningum þessum en þó man ég að það var flokksbróðir Jóns Baldvins, Jón Sigurðsson og hans helsti ráðgjafi á þessum tíma, sem flutti það.

Að sjálfsögðu á Jón að hafa vit á að skammast sín.

Þögn ráðamanna mótmælt

Athugasemdir

[Sigfús Axfjörð Sigfússon, 25.10.2008 kl. 18:04]

Pólitískt nef Jóns nær ekki lengra, hann sér atburðina ekki fyrir. Ég held að hann vilji vel kallinn, og það færi betur ef fleiri horfðust í augu við veruleikann!.

[Hallgerður Pétursdóttir (IP-tala skráð) 25.10.2008 kl. 18:10]

Mjög góð spurning.Mjög góð.

[Sveinn hinn Ungi (IP-tala skráð) 25.10.2008 kl. 18:51]

Þakka góða ábendingu. 

Þeir fengu allt en við fengum ekkert. Þannig ber að skilja þetta.

[Helgi Jóhann Hauksson, 25.10.2008 kl. 18:53]

Ef menn hefðu nú farið að ráðum Jóns og gengið í ESB í stað þess að gera hróp að honum væri staða okkar miklu bærilegri en er.

EES var mikilvægt skref en á okkar ábyrgð að útfæra umferðareglurnar um þá hraðbraut og forma umferðareftilit og lögreglu.

DO vildi hinsvegar hvorki umferðareglur né löggæslu.

[Jóhannes Ragnarsson, 25.10.2008 kl. 21:37]

Hvar ætli baráttuandi félaga okkar í VG-forustunni haldi sig þessa dagana Rúnar?

[Vésteinn Valgarðsson, 26.10.2008 kl. 00:36]

Það var ódýrt bragð af feðginunum Jóni og Kolfinnu, að kljúfa mótmælahreyfinguna með því að blása til annarra mótmæla og dreifa misvísandi upplýsingum um fundartímann. Fjölda fólks dreif að á Austurvöll skömmu fyrir kl. 16 því það hafði skilið það þannig, að fundinum kl. 15 hefði verið breytt í göngu kl. 16. Þau boðuðu gönguna upp á sitt einsdæmi og vildu ekkert vita af Herði Torfa eða mótmælunum sem hann boðaði, ekkert vita og ekkert samstarf eiga. Það orkar mjög tvímælis.