Einræðisherra með kjarnorkuvopn.

Á meðan Bandaríkjastjórn hefur verið að uppræta svokallaða hryðjuverkamenn, hafa verið dældir peningar og vopn í einræðisherrann Musharraf og í glæpaher hans. Athyglisverð er frétt sem birtist í fréttum RÚV en þar sagði:

,,Bandaríkjastjórn hefur veitt Pakistan um 11 miljarða dollara í aðstoð frá því að Musharraf gerðist bandamaður hennar eftir árásirnar á New York og Washington í september 2001.

 

Rice, sem er á ferð um Miðausturlönd, sagði fréttamönnum sem fylgja henni að ekki verði skrúfað fyrir alla aðstoð. Staðan væri flókin því megnið af aðstoðinni væri vegna baráttunnar gegn hryðjuverkum og henni yrði haldið áfram. Rice sagði að Musharraf hefði ekki borið ákvörðun sína undir Bandaríkjastjórn og að hún væri vonsvikin yfir henni.

Bandaríska varnarmálaráðuneytið tilkynnti í gær að hernaðarlegri aðstoð við Pakistan verði ekki hætt."(undirstrikun er mín)

Það er mikill munur á Jóni og séra Jóni. Dæmið er Írak þar hafa miljónir manna verið drepnir eða eru á vergangi, vegna ímyndaðra gjöreyðingavopna. Ekkert fannst nema sprengjur Íslendingana frá fyrri heimstyrjöld.

Nú stendur til að bomba Iran, sem aldrei hafa ráðist á annað ríki að fyrra bragði og ástæðan er hugsanleg kjarnorkuvopnaeign þeirra í náinni framtíð. 

Að lokum Ísland úr NATÓ. 

Mannréttindasamtök gagnrýna stjórnvöld í Pakistan harðlega

Athugasemdir

[Einar Ólafsson, 8.11.2007 kl. 10:16]

Það er í rauninni með ólíkindum að menn skuli leyfa sér að líta á Bandaríkjastjórn sem samherja í svokölluðum varnar- og öryggismálum. Tvískinnungurinn er svo augljós og líka svo augljóst að hann stafar ekki af hentistefnu heldur heimsvaldastefnu og einbeittum brotavilja á því sviði. Raunar ætti lögreglan að mæta með allan sitt liðsafla, víkingasveitina og allt, um leið og einhver fulltrúi Bandaríkjastjórnar (og reyndar líka NATO) ætlar að koma til landsins. Vítisenglarnir eru bara eins og börn að leik miðað við þá kóna. Og nú las ég í Fréttablaðinu í morgun að utanríkisráðherrann ætli sér aldeilis ekki að kalla "friðagæsluliðana" heim frá Afganistan, það sé ekki við hæfi af því að NATO sé í svoddan veseni þar. Svo eru þeir líka bara borgaralegir - en samt partur af NATO-liðinu.