Ísland- Rússland jafnsterkar ríkistjórnir.

Það er athyglisvert að rússneska ríkistjórnin er jafn sterk þeirri íslensku. Nú er spurningin ætlar sú íslenska að fara betur með völdin. Svo virðist ekki vera,  því eitt fyrsta verk hennar er að skerða málfrelsi stjórnarandstæðinga eins og reyndar í Rússlandi og koma upp greiningardeild (KGB).

Vísa allri gagnrýni á bug

Athugasemdir

[Ólafur Hannesson (IP-tala skráð) 3.12.2007 kl. 21:30]

Það er ekki verið að skerða málfrelsi neins, þingmenn mega fara upp eins oft og þeir vilja, þannig að þetta er ekki skerðing á málfrelsi. Þetta er aftur á móti frekar til þess fallið að betri umræða skapist inná þinginu, þar sem langar og leiðinlegar ræður verða vonandi ekki til staðar.

mbk

Óli 

[Rúnar Sveinbjörnsson, 3.12.2007 kl. 22:59]

Ég sé að þú ert laganemi. Hugnast þér að verja mann á 15 mín. í flóknu máli. Verða svo ávallt að biðja aftur og aftur um orðið, byrja þá á því að endurtaka  hvað þú sagðir síðast og svo framvegis.  Endalaust þref. Engin vitræn niðurstaða. Alþingi er ekki málfundafélag, frekar en dómstólarnir.

RS 

[Ólafur Hannesson (IP-tala skráð) 3.12.2007 kl. 23:31]

Þér er settur ákveðinn tímarammi til að verja mannin, og þú hagar þá málarekstrinum samkvæmt því. Þú átt ekki að þurfa að endurtaka þig, þú átt að geta hagrætt máli þínu þannig að punktarnir komi í ljós á þessum tímaramma.  punkturinn er samt sem áður sá, að það er ekki verið að skerða málfrelsi. Finnst þér skárra að manneskja geti verið í pontu í marga tíma og með fullt af endurtekningum? á þeim tíma getur engin mótmælt þessu, og þegar hann er loksins búinn, þá getur loksins einhver annar farið að tala og verið nokkra tíma. finnst þér ekki fínt að það sé reynt að gera Alþingi skilvirkara, það er því miður allt of oft þannig að mál falla niður að því að þau höfðu ekki tíma á þinginu. 

mbk

Óli 

[Rúnar Sveinbjörnsson, 4.12.2007 kl. 18:55]

Bara eitt að lokum. Ég tel að Alþingi sé alltog skilvirkt (þegar það er í tímaþröng) og í sama hlutfalli hroðvirkt. Lögfræðingar skilja ekki lögin og í allt of mörgum málum er vísað frá Hæstarétti í hérað vegna formgalla. Þá standast mörg lög ekki alþjóðasamninga og fl.

Af hverju er ekki hægt að afgreiða mál jafn og þétt frá Alþingi. Hversvegna á síðustu mínútum fyrir jólafrí og sumarfrí á færibandi?