Undrandi bankastjóri!

Þegar bankastjóri Landsbankans Sigurjón Þ Árnason, var spurður í sjónvarpi um daginn hvort viðskiptavinir bankans nytu góðs af rúmlega 40 miljarða hagnaði bankans, kom hik á stjórann. Svo kvað hann upp úr með að sjálfsögðu hefði þetta ekkert að gera með viðskiptavini bankans. Sjálfur getur hann vel við unað með um 15 miljónir á mánuði, c.a. 15 daga að vinna árslaun iðnaðarmanns.

Athugasemdir

[Georg P Sveinbjörnsson, 30.1.2008 kl. 21:26]

Þeir eru ekkert að standa í því að láta sauðsvartann almúgann njóta góðs af því að hafa arðrænt hann og okrað á...það er handa þeim sjálfum, gírugir og óseðjandi eins allir bankakallar hafa alltaf verið síðan fyrsta svikamyllann var opnuð 18hundruð og súrkál.

[Einar Ólafsson, 31.1.2008 kl. 12:51]

Nú hefur hinn mjög svo duglegi viðskiptaráðherra lofað að bæta rekstrarumhverfi bankanna svo að þeir flytji ekki úr landi þegar fer að draga úr gróða þeirra. Það væri kannski ráð að bæta líka rekstarumhverfi alþýðufjölskydnanna, en þær geta víst ekki hótað að flytja úr landi, nema kannski ein og ein sem ekkert munar um.

Bankarnir voru auðvitað ekki seldir almenningi til hagsbóta, þótt einhver hafi haldið það. Er ekki kominn tími til að þjóðnýta þá aftur? Í alvöru, ég meina það.