Stríðinu verður að linna!

Næstkomandi laugardag, 15. mars, kl. 13, verður útifundur á Ingólfstorgi
til að mótmæla stríðinu í Írak og krefjast friðar þar og um heim allan.

Ávörp:
Hjalti Hugason prófessor
Steinunn Rögnvaldsdóttir nemi

Tónlistarflutningur:
Hörður Torfason

Þann 20. mars verða liðin fimm ár frá innrás Bandaríkjanna og bandamanna
þeirra í Írak með stuðningi íslensku ríkisstjórnarinnar. Mótmælaaðgerðir
verða víða um heim á laugardaginn og í næstu viku undir kjörorðinu "Allur
heimurinn gegn stríðinu"!

Tökum höndum saman við almenning um allan heim.
Mótmælum stríðinu!
Krefjumst friðar!
Stríðinu verður að linna!

Athugasemdir

[Óskar Helgi Helgason (IP-tala skráð) 14.3.2008 kl. 12:20]

Heill og sæll, Rúnar !

Þið getið sparað ykkur; þetta ómak. Eða; hví haldið þið, að bandarísku heimsvaldasinnarnir færu að taka mark á einhverjum mótmælum, hér á Íslandi, við brölti sínu, austur þar ?

Þessir andskotar; Bandaríkjamenn og Múhameðstrúarmenn, mættu mín vegna útkljá sín mál, helzt utan okkar sólkerfis. Verstur fjandinn, Rúnar, hversu þetta helvítis reiptog þeirra ætlar að verða dýrt; heimsbúskap öllum, og er þegar orðið, að nokkru.

Með beztu kveðjum, sem fyrr / Óskar Helgi Helgason 

[Rúnar Sveinbjörnsson, 14.3.2008 kl. 16:18]

Bandaríkjaher hrökklaðist frá Víet Nam vegna mótmæla um allan heim, eftir svipaðar ógöngur og þeir eru í Írak. Ef engin væru stríðin og engin her gæti heimsbyggðin lifað í alsnægtum.

[Magnús Jónsson, 14.3.2008 kl. 23:07]

Rúnar: hvernig væri að leifa Darfurhéraði að vera á undan Írak það er alvöru stríð þar, en lítið annað en Íranskir trúarhópar að sína umburðalindi sitt í verki í Írak þessa dagana, reyndar hefur Hamasliðum bara gengið prýðilega að æsa Stríðsóða Ísraela upp með eldflaugaáarásum sínum, á einhverja eins og þeim er tamt, er ekki komin tími á það að allir hætti þarna suður frá það hefur sýnt sig að 4000 ára barátta til hefndar fyrir stolna geit eða eitthvað annað skilar engu eða hvað, kannski skilar það einhverju að men  mótmæli stríði en hvaða stríði ætla men að mótmæla fyrst, stríði sem er efnahagslegt, stríði sem er rekið áfram af hatri sem eldri kynslóðinn kyndir til yngri kynslóðarinnar, stríði sem háð er í nafni trúarbragða, eða stríði sem beinist gegn fólki sem hefur annan litarhaft eða kemur frá öðru landi, hvenær kemur sá tími að allir geti lifað í sátt og samlindi, hvernig væri að mótmæla skorti á umburðarlindi fyrir öðru fólki hjá múslimum til að mynda, sem telja okkur til barbarra-sem vel á minnst við erum máski, en þeir eru alveg örugglega ef mið er tekið af viðbrögðum þeirra við teiknimyndum af fígúrum með skegg og túrban.