Blandaðu meira, blandaðu meira!

Fyrir all mörgum árum var vinsælt lagið "Blandaðu meira". Nokkrum árum síðar  var ég í heimsókn á Kúpu og varð ég þá þess áskinna að söngurinn Guantanamera var Kúbverjum mjög hugleikinn, ekki bara það heldur snart það hjarta fólksins.

Þegar ég svo mörgum árum seinna var staddur á Spáni, er mér minnistætt þegar þarlendur listamaður flutti þetta lag, krækti landinn saman höndum og kyrjaði "Blandaðu meira, Blandaðu meira".

Trúlega er þetta einhver mesta nauðgun á  ljóðskáldi sem um getur. José Marti er að sögn Pete Seeger sem flytur Guntanamera á tónlistarspilara mínum, mesta skáld spánskrar tungu.

 

Athugasemdir

[Jens Guð, 30.11.2007 kl. 21:58]

  Ef ég man söguna rétt þá var Guantanamera upphaflega með öðrum texta.  Ástarsögutexta.  Orðið guantanamera þýðir víst stúlka frá Guantanmo.  José Marti samdi sitt kvæði ekki við Guantanamera lagið heldur tók einhver upp á því að syngja kvæði hans við þetta lag. 

  Þó að það sé kjánalegt að syngja íslenskan texta um fyllerí við þetta lag þá hef ég grun um að vinsældir íslensku útgáfunnar hafi kynnt lagið fyrir mörgum - sem hefur kveikt löngun í að eignast lagið með Pete Seeger,  Joan Baez,  Jackson Brown eða öðrum sem syngja það við kvæði José Marti.

[Rúnar Sveinbjörnsson, 1.12.2007 kl. 17:38]

Þakka þér fyrir Jens, þetta getur passað.  Anna (kona mín og gamall vinnufélagi þinn og vinur) sagði mér frá  "stúlkunni í Guantanmo" þegar við ræddum um það ömurlega hlutverk sem staður þessi  hefur fengið, sem helvíti á jörð.

Um er að ræða tvö ljóð. Ég vill trúa því að José Marti hafi samið ljóð sitt við lagið Guantanamera, en veit í raun ekkert um það.