Bandaríkjamenn hafa tapað stríðinu í Írak!

Bandaríkjamenn hafa tapað stríðinu í Írak. Þetta ömurlega stríð sem stutt var af ríkistjórn Íslands, af þeim félögum Davíð Oddsyni og Halldóri Ásgrímssyni. Í upphafi var það hafið vegna meintra gereyðingavopna, sem reyndist vera blekking en síðan var annað fundið til, svo sem harðstjórinn Saddan Hussein. Þessi vitfirring er búin að kosta 100 þúsund mannslíf auk tugi þúsunda heimilislausra flóttamanna. Stríð þetta hefur verið vatn á myllu herskárra bardagamanna. Allt bendir til sömu niðurstöðu í Afganistan þar sem stríðið hefur færst yfir til Pakistan, sem er kjarnorkuveldi. Því miður er ekki von til þess að Bandaríkjamenn geti lært af sögunni, VíetNam, Kórea, voru víti til að varast og nú Írak. Engu að síður er haldið áfram að berjast í Afganistan sem færist yfir til Pakistan, með samþykki okkar Íslendinga í gegnum Nató.

Mannskæð sprengjuárás í Írak

Athugasemdir

[Baldur Fjölnisson, 30.6.2009 kl. 20:20]

Bandar.menn eru frægir fyrir að tapa stríðum sem þeir "vinna" enda snýst málið fyrst og fremst um viðskipti og veltu (stríð er augljóslega risabísness og fyrir löngu lífsnauðsynlegt vonlausum hagkerfum Bandaríkjanna, Bretlands og annarra álíka basketkeisa) og að deila og drottna. Það er því mikilvægara að teygja lopann sem alla lengst en að binda enda á hann. Friður hefur lengi verið alvarleg ógn við þessi gjaldþrota kerfi og því höfum við séð örvæntingarfull terror hollywoodsjó og tryllingslega ósvífinn lygavef til að svíkja stríð af stað. Leppadrasl hér og þar, stórt sem dvergvaxið, hefur síðan jarmað með stríðsglæpamönnunum, eigendum sínum og sálufélögum.

[Kristófer (IP-tala skráð) 30.6.2009 kl. 22:04]

rosalega finnst mér pirrandi þegar fólk er byrjað fullyrða að þessar samsæriskenningar séu bara hreinn og beinn sannleikur, ertu að seigja mér að þú getir sannað það að bandaríkjamenn hafi ekki fengið sannanir frá öllum áttum um að gereyðingarvopn væru að finnast á svæðinu og svo var saddam hussein að vernda marga hryðjuverka hópa á svæðinu sem voru búnir að hóta annari árás en fólk virðist alltaf taka samsæriskenningum eins og sannleika guðs. 48% New York búa (give or take) trúa því að Bandaríkjastjórn hafi átt hlut í árásinni á tvíburanna mér finnst þetta útí hött

[Ólafur Þórðarson, 30.6.2009 kl. 22:32]

Kristófer. Ég fór í mótmæli hér í New York mánuði fyrir innrás (15/02/03) og þá lá fyrir skv. réttum heimildum að engin gjöreyðingarvopn væri að finna í Írak. Hans Blix, Ritter ofl sérfræðingar voru teknir fyrir í heims(ku)pressunni og grillaðir sem hálfvitar af stríðsmöngurunum sem stjórna pressunni.

En það er klárt mál að BNA voru búnir að tapa orrustunni strax árið 2004. En stríðið eru þeir búnir að vinna, því þessa dagana er verið að útdeila olíuvinnslusamningum til braskaranna. Stríðið snerist ekki um gereyðingarvopn frekar en að fiskveiðar snúast um gæsaveiðar. Áróðurinn fyrir innrásinni í Írak þar sem tugþúsundir Íraskra hermanna var slátrað í eigin landi var sannarlega samsæri þar sem gereyðingarvopn voru upploginn strámaður.

[Baldur Fjölnisson, 30.6.2009 kl. 23:07]

Ég held að margir skilji hreinlega ekki hugtakið samsæri og það sem menn skilja ekki óttast þeir  oft á tíðum og þá er bara þægilegast að afneita tilvist þess.

Samt er sirka 90% af starfsemi lögreglu fólgið í því að búa til kenningar um samsæri glæpamanna, tveggja eða fleiri, sem rotta sig saman í ýmsa brotastarfsemi. Þannig að það er ómögulegt að afneita tilvist þessa fyrirbæris, en samt er það ekki til samkvæmt heilaþvotti ruslveita, pólitíkusa og annarra helstu veruleikahönnuða almennings. Þess vegna hefur verið búið til orðið samráð um þetta út úr vandræðagangi og fyrir nokkrum misserum var allt logandi í samráðskenningum um samráð olíufélaganna en sem sagt fólk er margt það langheilþvegið af ruslveitum að það sér ekkert samráð í því þegar heilu landi var skipulega stolið og það flutt út. Það var víst og verður bara slys þegar það verður rúið inn að skinninu og haldið sofandi á meðan.

[Rödd almennrar skynsemi (IP-tala skráð) 30.6.2009 kl. 23:53]

Það þurfti að velta Saddam af stóli...no question about it.

http://en.wikipedia.org/wiki/Al-Anfal_campaign

Innrásirnar í Íran og Kúveit eru dæmi um að á algjörum vitfyrring væri að ræða, sem notaði efnavopn til að drepa saklausa borgara í miklum mæli.

Innrásin í Írak var árángursrík, en því miður var stjórn Bush skipuðum vanhæfum mönnum eins og Rumsfeld og Cheney (nema Colin Powell sem er mikill gæðamaður) og fór ekki úr Írak strax og Saddam var steypt af stóli.

Innrásinn var nauðsyn, hinsvegar var "exit strategy" algjör katastrófía, það voru rangar ástæður gefnar fyrir innrásinni, en að stöðva snarklikkaðan einræðisherra sem slátrar eigin ríkisborgurum í hundruðum þúsunda er eitthvað sem þarf að gera, hinsvegar var það gert á rangan máta.

Stríðið í Afghanistan er réttlætanlegra stríð, og mögulegra að leysa. Það að yfirvöld í Pakistan eru að taka á innanlandsstjórn Talíbana í Wazyristan var í raun síðasti griðarstaður þeirra gerir sjálfbæran frið í Afghanistan að mjög raunverulegum möguleika.

[Baldur Fjölnisson, 1.7.2009 kl. 00:17]

Jamm, innrásin var á upplognum forsendum frá a til ö en samt ekki alveg vegna þess að þessi Saddam, enn ein grýlan, var víst eftir allt rosalega vondur skv. upplýsingum lygamaskínunnar sem skapar veruleika okkar. Ég er ekki alveg að kaupa þetta. Nú, hollywoodsjóið 11. sept. er þess eðlis að það að kalla það götótt í gegn væri sjálfsagt móðgun við svissneska ostameistara sem er ekkert undarlegt þar sem það var matreitt ofan í okkur af sömu gömlu raðlygaramaskínunni. Fyrir rúmlega 60 árum voru menn teknir af lífi fyrir að ljúga af stað stríð á upplognum forsendum og að stunda fjöldamorð og stríðsglæpi og pyndingar en það var byggt á skilgreiningum og sigurvegarinn ákvað þær eins og alltaf í sögunni og enginn vill vera hengdur og því erum við hér og á kafi í óviðráðanlegum lygavaðli og stríð og efnahagur á hausnum og kerfið loksins að hrynja undan eigin lygum.

[el-Toro, 1.7.2009 kl. 10:33]

alveg er það merkilegt að það sé ennþá til fólk eins og Kristofer, sem trúir slíkri vitleysu sem hann er að predika.  það sem hann er að segja kemst ekki einu sinni á pall með samsæriskenningum.  þetta á frekar heima í skáldsagnabálki. 

það er aðeins hægt að biðja svona fólk að lesa sér til um málefnið.  það hjálpar alltaf.