Greið leið, gatan virðist bein..

Nú eru hlutirnir heldur betur að snúast á hvolf. Flokkurinn sem ég stofnaði ásamt félaga Hjörleifi, Ögmundi, Steingrími og fleiri, er að falla á einföldu inntökuprófi. Undirritun víxils upp á þúsundurðir miljóna eru ávísun á það sem skuldarar okkar vilja. Vilji þeir okkur í EBS eða vilja þeir ekki okkar. Nú er Álfheiður Ingadóttir að árétta fyrir landsmönnum um helgi þjóðréttasamninga, aumari yfirklór hef ég ekki heyrt. Þjóðréttarsamningar eru ekki samningar, heldur oftar en ekki viðurkenning á ófrelsi og kúgun.  Að lokum snúast mál um réttlæti. Byltingar hafa verið gerðar fyrir minni skakir. Berst ekki alþýða heimsins allstaðar á  banaspjótum vegna  heimsvaldastefnu auðvaldsríkjanna um allan heim.

Hækkar um 37 milljarða árlega

Af hverju geta menn ekki verið heiðarlegir.

Að sjálfsögðu er enginn ágreiningur. Til þess að fegra þessu aumingjalegu ásýnd er sett á svið leikrit, hin harða forysta og svo framvegis... Sjálfur hef ég oft orðið vitni að þessu og verið þátttakandi. Hvernig væri að kveðja gamla Ísland og leggja spilin á borðið. Að vísu virðast ekki vera nein tromp, en afnám ofurlauna og verulega hækkun til hinna verst setu hljómar ekki illa. Verkalýðsforystan verður að gera sér grein fyrir að þegar 130 þúsund eru lágmarkslaun eru tvöföld þau laun ofurlaun eða hvað.

Lægstu laun 300 þúsund!! -- Kjarajöfnun, burt með ofurlaun.

Viðræðurnar hanga á bláþræði

Hvað er átt við: "fastgengisstefnu á meðan beðið yrði niðurstöðu úr aðildarviðræðum við ESB."

Þetta er ótrúleg frétt eru verkalýðhreyfingin öll að ræða um aðgerðir, sem brúa eigi bilið þangað til þjóðin gangi í EBS. Sagt er í fréttinni ,, Hefur jafnvel verið rætt um fastgengisstefnu á meðan beðið yrði niðurstöðu úr aðildarviðræðum við ESB."

Nú er það svo að Alþingi hefur ekki afgreitt frumvarpið um aðildarviðræður, enginn veit hvernig aðildarviðræðum vegnar, enginn veit hvort slíkur samningi verði vísað til þjóðarinnar eða einfaldlega vísað frá, þá veit enginn hvort þjóðin samþykki hann eða ekki.

Nú er það svo, að þótt allt þetta gangi eftir þá er Evra langt undan. Ísland uppfyllir einfaldlega ekkert skilyrði. Þetta hljómar því allt fáránlega,  að leysa bráðavanda með ímynduðum langtímaaðgerðum.

Eitt að lokum þá væri fróðlegt að blaðamenn spyrðu forystumenn launamanna á hvaða gengi krónan ætti að vera gagnvart helstu myntum á ,,fastgengistímanum".

Allt undir í Karphúsi

Til hvers sjóður, ef ekki á að tryggja sveiflur?

Þegar lífeyrisjóðir voru settir á um 1967, var farin sú leið að byggja upp sjóð, sem geyma átti allan uppsafnaðan sparnað þar til taka lífeyris hæfist. Það eru því miður draumórar að hægt sé að geyma peninga, það sem hægt er að geyma er í raun atvinnustig, hendur og vit til að skapa auð.  Peningaeign getur ekki verið annað en endurspeglun á atvinnutekjum á þeim tímapunti sem peningar eru teknir út og notaðir. Ef atvinna í dag er lítil og framleiðsla, hefur það ekkert með það að gera hvað ég vann mér inn 1980 svo dæmi sé tekið. Væri hins vegar góðæri í dag gæti lífeyrisjóður minn greitt mér miðað við áunnin réttindi.

Niðurstaða mín er alls ekki megi skerða bætur, því það eitt dregur úr eftirspurn og atvinnu. Til hvers var þá þessi sjóðsöfnun? Var hún ef til vill bara skattur þegar allt kom til alls og bitlingur til sjóðstjórna og óhæfrar verkalýðshreyfingar? Eiga lífeyrisjóðir ekki að vera í ríkaramæli gegnumstreymisjóðir. 12% lífeyrisþegar þýðir 12% lífeyrisgjald og svo fr.

Réttindi lækka um 6% út árið

Þarna er maður sem hugsar um fólkið!!

Ríkistjórn Ísland getur margt lært af Venesúela. Þar fer fyrir Hugo Chavez sem sagður er kjaftfor lýðskrumari af andstæðunum sínum. Vissulega er hann kjaftfor en hann hefur efni á því. Ég legg til að ráðherrar okkar  einn og einn, verði sendir á námskeið hjá þeim félögum í Venesúela. Þeir þurfa að læra hvernig á að umgangast eða helds ekki umgangast stofnanir eins og Alþjóðagjaldeyrissjóðin. Alþýða Íslands skuldar ekkert annað en það sem útrásarauðvaldið kom okkur í. Sjálfsagt er að framselja þá. En að taka lán hjá AGS  til þess að geyma á reikning í Bandaríkjunum á 3-4% lægri vöxtum er rugl.

Taka yfir pastaverksmiðju

Ísland úr Nató strax!!

Hvað á að líða langur tími þangað til við segjum skilið við árásarbandalagið Nató. Þetta úrelta og fáránlega bandalag hefur komið þjóðum heims í ótrúlegan vanda vegna tilvistarkreppu sinnar.  Nú eftir margra ára stríð í Afganistan er árangurinn stríð, sem er að færast yfir til Pakistan, landi sem býr yfir kjarnavopnum. Vilja Íslendingar bera ábirgð á þessu. Nú er nóg komið, Ísland úr Nató strax.

Allar NATO-þjóðir leggi sitt að mörkum

Við búum á hótel jörð..

Við búum á hótel jörð og þjónustan er víðast lök. Hvað um það ég hef verið latur við að blogga en sendi baráttukveðjur með eftirfarandi:

og

 

og 

og gerum svo byltingu á morgun.

Ráðherrakapall lagður á morgun

Samtök iðnaðarins vilja sækja um aðild að Evrópusambandinu og taka upp evru.

Samtök iðnaðarins vilja sækja um aðild að Evrópusambandinu og taka upp evru. Maður spyr sig hvort stjórn SI sé með sjálfri sér. Hvernig ætli svona auglýsing yrði túlkuð í hinni kaþólsku Evrópu. Í raun afhjúpar auglýsing þessi pólitískt glámskyggni þeirra meira en mörg orð.

Fæðingarlæknar krefjast afsökunarbeiðni

Er IceSave ekki innanbúðarmál Breta.

Bretland er gamalt nýlenduveldi og þar hefur stefnan ávalt verið að lifa á öðrum fátækari þjóðum. Útrásavíkingarnir (okkar) búa þar í alsnægtum ásamt öðrum alþjóðlegum útrásarvíkingum. Ríkistjórn Breta fylgir hinni gömlu heimsvaldastefnu að hlífa hinum ríku og arðræna þá fátæku. Flokkurinn sem þarna stjórnar kallar sig Verkamannaflokk, sem í dag er orðið argasta öfugnefni, en sem betur fer eru sósíalistaflokkar til vinstri við valdaflokkinn í mikilli uppsveiflu, en vegna hins ótrúlegra kosningakerfi eiga þeir erfitt uppdráttar innan þingræðisins.

IceSave peningarnir eru á Bretlandi eða á eyjum þeim tengdum.

Fá ekki fleiri en ég skítabragð í kjaftinn, þegar Bretar bjóðast til að hjálpa okkur í hraðferð inn í ESB ef við leysum IseSave málið. Kannski það verði stæðsta tromp Breska verkamannaflokksins í næstu kosningum að auglýsa Íslandsmið t.d. í Hull, Grimsby og víðar.

 

 

 

Björgólfur meðal ríkra

Mikilvægt að senda alþjóðasamfélaginu sterk skilaboð.

Til þess að lágmarka það tjón sem Sjálfstæðisflokkurinn hefur valdið íslenskum almenning er nauðsynlegt að Flokknum verði hafnað í komandi kosningum. Alþjóðlega auðvaldið veit þá að hér er  ekki við þræla að eiga, heldur stolta þjóð sem ekki lætur kúga sig. Skilaboðin eru við borgum ekki skuldir auðvaldsins, það er þeirra vandamál. Íslensk alþýða er saklaus og borgar það sem hún réttilega skuldar en ekki krónu meir. Framsóknarflokkurinn sem ekki þorir að opna bókhald sitt má gjarnan fylgja með, enda hefur hann týnt málstað sínum, samvinnuhugsjóninni og stolið sjóðum Samvinnuhreyfingarinnar. 

Upplýsir ekki hverjir leituðu styrkja