Davíð Oddsson forsætisráðherra

 

Myndband þetta er sett saman af  Láru Hönnu af því að ég best veit.

Annað Davíð var forsætisráðherra lengur en nokkur annar Íslendingur og var með í að semja lög og reglur sem leiddu til hrunsins, ásamt því að einkavinavæða bankana.

Fjármagnsflutningar Kaupþings höfðu mikil áhrif á Bretana

Vanhæf Framsókn

Maður veltir fyrir sér hvaða atburðarrás Framsókn er að reyna að skapa. Er verið að leita ráða til að mynda nýja ríkisstjórn með Sjálfstæðisflokknum. Kosningaloforð um 20% niðurfellingu skulda og svo uppkoma Höskuldar er ekki tilkomin vegna "faglegra vinnubragða". Helds er ég á því að Framsóknarmenn séu að kaupa sér tíma meðan þeir þreifa á íhaldinu bak við tjöldin.

Rétta í stöðunni er að slíta þingi og boða til kosninga strax. Ef Framsókn og Sjálfstæðisflokkur vilja mynda stjórn verði þeim að góðu. Það ætti ekki að taka langan tíma að svæla þá út.

Taugaveikluð ríkisstjórn

Veðurfræði - Hagfræði

 

Það er áhugavert að bera saman hagfræðinga og veðurfræðinga. Ég hélt að hlutverk þeirra væri það sama, það er að spá um framtíðina. Því miður virðist þetta vera rangt því forréttindi hagafæðinga birtist í því að koma fram eftir á og segja okkur hvað hefði átt að gera, en þegja þunnu hljóð þegar hættan er framundan, veðurfæðingar spá fram í tíman.

Hvaða gagn væri af veðurfæðingum sem segði okkur hvers vegna rok hefði verið í gær.

 Sjá

Þeir sem ekki verða skotnir í brjóstið, verða þá skotnir í bakið.

Sem betur fer er bandaríski herinn farinn frá Íslandi. Engu að síður styðja íslensk stjórnvöld þennan hrylling. Ísland úr NATÓ og það strax. Í örvæntingu á að nota  innflytjendur sem byssufóður, þessu verður að linna.

 

Vilja fleiri innflytjendur í herinn

Fjármál Alþingismanna upp á borðið.

Það verður að gera kröfur um að fjármál og tengsl frambjóðenda við fyrirtæki séu upp á borði í komandi kosningum. Annars hjökkum við áfram í gamla fari sérhagsmunagæslu og spillingar.Hér getið þið hvernig þessu er háttað hjá VG http://www.vg.is/folkid/thingflokkurinn/ Svona upplýsingar verða að liggja fyrir hjá þeim sem sækjast eftir setu á Alþingi.

Fjármál Lúðvíks komu í veg fyrir ráðherrastól

Grátbrosleg staða í pólitíkinni

Ekki var hægt að slíta stjórnarsamstarfi gömlu ríkistjórnarinnar vegna aðkallandi björgunaraðgerða. Stjórnin stóð öll á sundlaugarbakkanum og horfði á hálfdautt líkið mara í hálfu kafi. Rétt í því að líkið er að gefa upp öndina er rokið upp upp til handa og fóta, skítt með hið hálfdauða lík við verðum að drepa hval.

Ekki má skilja mig svo að  ég geti ekki drepið og jafnvel étið hval eins og önnur spendýr, enda er ég  dýraæta, þó svo að hvalur hafi aldrei verið mín uppáhaldsfæða. Ástæðan er að ég var alinn upp á hval í æsku og þótti hann  aldrei góður. Á heimilum verkamannafjölskyldna var var fiskur eða hvalkjöt á borðum sex daga vikunnar lambakjöt um helgar, laugadagur var ekki helgi í minni æsku heldur vinnudagur.

En hvað um það þegar ný ríkisstjórn er  mynduð þá kemur Flokkurinn fram og krefst að björgunaraðgerðum verði frestað.

Á hliðar línu stendur svo Framsókn sem kallar sig nýja eða gamla eftir því sem það hentar. Formaðurinn nýi getur vel við við við unað enda á hann í vændum arf í góðu skjóli spillingar og pólitískrar fyrirgreiðslu eftir föður og tengdaföður. (Ég get ekki staðfest að tengdafaðir formanns Framsóknarflokksins núverandi sé fyrrverandi eigandi Toyotaumboðsins, sem sé þegar farinn að greiða út arfinn, en læt það þó flakka, svo hægt sé að leiðrétta það, þannig að sterkri kjaftasögu sé útrýmt eigi hún ekki við rök að styðjast.)

Eftir stendur er byltignin farin að éta börnin sín, börn verkalýðsins.

Auglýsi stöðuna sem fyrst

Ég var staddur í friðsömum mótmælum!

Ég var staddur í friðsömum mótmælum við Nordica hótelið! Þurfti að yfirgefa staðinn kl. 7:30, hafði lofað að passa barnabarn mitt. Það sem vakt hins vegar athygli mína var hinn mikli fjöldi lögreglumanna, einnig vakti það athygli mína hvað lögreglumennirnir voru strekkir og flestir með kylfur og piparbrúsa í beltinu. Einhvern veginn fannst mér framkoma sumra þeirra vera ögrandi og væri til þess fallin að espa mótmælendur upp og svo glæpahyskið í Nató gæti séð hvers þeir væru megnugir.

Úr því beittur var piparúði virðist þeim hafa tekist ætlunarverk sitt. Ég öfundaði ekki hinn almenna lögreglumann, þeir virkuðu þreyttir og stressaðir.

Lögregla beitti piparúða

Nú voru þeir að "fatta" þetta í gær.

Nú voru þeir að "fatta" þetta í gær. Raðlygarnir og landráðsmennirnir.

Atlaga felldi íslenska kerfið

Olía, olía, olía....

Ef  Bandaríkin byrsta sig er það vegna olíu. Mesta böl okkar og barna okkar er olía. Vonandi finnst olía aldrei við Ísland.

Clinton: Íranar standa frammi fyrir vali

Björgvin 5. sept. 2008, þremur vikum áður en hann þjóðnýtti Glitni

Þetta fann ég á síðu bloggvinar míns: Á Google fann ég þessa færslu líka sem er svo ótrúleg að ég á erfitt með að trúa. Þetta var sem sé á heimasíðu Björgvins 5. sept. 2008, en hann hefur nú lokað henni:

“Þegar KB banki opnaði útibú í Lúxemborg fyrir nokkrum árum óraði líklega engan fyrir því hve vel íslensku fjármálafyrirtækjunum ætti eftir að ganga við að hasla sér völl á erlendri grundu. Ævintýralega vel er kannski rétta orðið yfir það.

Kjarkur, þor og góð þekking íslensku útrásarmannanna skilaði meiri árangri hraðar við fjárfestingar erlendis en hægt var að sjá fyrir og víkingurinn hefur vakið athygli á alþjóðavísu. Ekki síst þegar lagt er saman við aðra útrás Íslendinga erlendis í verslun, iðnaði og þjónustu ýmiskonar.

Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma.

Í árslok 2006 má ætla að hlutdeild fjármálafyrirtækja hafi numið um 10% af landsframleiðslu og verðmæti útflutnings þekkingar og þjónustu um 60 milljörðum. Í fyrra komu 52% af tekjum viðskiptabankanna erlendis frá og þótt erlendar tekjur vátryggingafélaga séu enn ekki svipur hjá sjón miðað við viðskiptabankanna stefnir þróunin þar í sömu átt. Þessar staðreyndir sýna svo ekki verður um villst að útrás fjármálageirans hefur orðið afgerandi þýðingu í okkar efnahagslífi.

Íslensku bankarnir hafa sums staðar sætt nokkurri gagnrýni undanfarið erlendis. Sérstaklega fyrir að vera ekki nógu burðugir og um of háðir skammtímafjármögnun. Um forsendur gagnrýninnar sem skapaðist vorið 2006 hefur verið fjallað um rækilega, meðal annars af Fredirik Mishkin og Tryggva Þór Herbertssyni. Niðurstaðan er sú að gagnrýnin var að verulegu leiti tilhæfulaus. Hinsvegar var ljóst að bankarnir þyrftu að fjármagna sig betur og til lengri tíma og að koma þyrfti betur á framfæri upplýsingum um rekstur þeirra.”

 

Vill nýja bankastjórn í Seðlabankann